تحدي التخسيس وشد الجسم🏃♀️
1- تظبيط نظام غذائي صحي ..
الفطار :بروتين + كارب + خضار .
الغذاء : بروتين + كاربوهيدرات + خضار .
العشاء : بروتين وخضار .
بين وجبات فاكهه .
الفري : كل 10 ايام او كل 15 يوم وجبه غذا فقط
2 - ممارسه الرياضه مش اقل من 3 ايام اسبوعيا وحدي اقصي 5 ايام
3- عاوز تخس ومش فارق معاك شكل جسم يبقي تمارين كارديو فقط ( مشي - جري - نط حبل - اوربي تراك - ركوب العجله ) .
4- عاوز تخس وتعمل جسم متناسق يبقي : كارديو + تمارين مقاومه ( ضغط - عقله - بطن - سكوت للرجلين - تمارين ارداف - جميع الاجهزه بالاوزان )
5 - مفيش اي مشروب بيحرق الدهون في مشروبات بتعلي الحرق فقط واهميتها 1% بنسبه للتخسيس .
6- اكتر شي بيعلي الحرق الريااااااااااااااااااااااااضه وشرب الميه والنوم بدري
7- فوايد شرب الميه كتير جدا للجسم اهتموا بشرب مش اقل من 8 اكواب ميه .
8- زيت الزيتون و الافكادو والكاكاو الخام و مستخلص الشاي الاخضر والجريب فروت لما تدخلهم في وسط اكلك هتحس بفرق كبير في حرق الدهون عندك .
9 - الشاي الاخضر او مستخلص الشاي الاخضر كفايا جدا كمشروب يومي لرفع معدل الحرق .
10 - الصبر وانتظار النتايج مع الالتزام
11- الرمان والبطاطا والعدس والبطاطس والحمص والبطيخ والبصل والتوم مش ممنوعين والله
12 - الشوفان : ده اكل عادي بس يعتبر من الحبوب الكامله في بروتين ومعادن مهمه وكاربوهيدرات وبيخسس وبيتخن باختلاف الكمية الي بناخدها منه وطريقة التحضير وليه فوايد كبيره للصحه ويعتبر وجبه كامله بس يفضل بلاش منه بليل وموجود في اي سوبر ماركت وفي الف طريقه بيتعمل بيها بسكوت وزي بليله وحجات كتير تاني
13- تمارين البطن مش بتخسس البطن بس بتقوي عضلات البطن مفيش تمرين بيخسس لوحده من غير نظام اكل صحي
14 - مفيش اي تمارين بتخسس اي منطقه في الجسم في تمارين بتساعد في شد الجسم ومنع الترهلات لما نخس بالدايت .
15 - الصبر
16 - مفيش كريمات او حزام سحري بيحرق الدهون كله فاكس الدهون مش بتتحرق غير بتقلل السعرات في الاكل وعمل مجهود والدهون مبتخرجش في صورة عرق هي بتخرج في صورة طاقة وعلشان تحرق 1 كيلو دهون محتاج تحرق ٧٧٠٠ سعر حراري
17- كل انواع سكر الدايت ملهاش اي اضرار ومصرح بيها من منظمه الصحه بس الافضل نستخدم نوع طبيعي ... وسكر الفركتوز في كلام كتير انه بيتعب الكبد بلاش منه برضو .
18 - مش معني اني جربت شئ وخسيت اني ادخل انصح الناس بيه وانا مش عارف ده صح ولا غلط .
19- مش معني اني سمعت معلومه من دكتور يبقي المعلومه دي صح دكاتره كتير معلوماتهم قديمه ومش متابعين احدث الدراسات .
20 - شرب الميه اي وقت في اليوم سواي قبل الاكل او وسط الاكل او بعد الاكل او قبل تمرين او لعد تمرين او خلال تمرين .
21- الاكل يكون قبل تمرين بساعتين او بعد التمرين بساعه ... بس ينفع لو هاكل فاكهه تبقي قبل تمرين بساعه وبنفع بعد تمرين مباشره اكل فاكهه او اشرب عصير بيور وساعه واكل .
22 - من غير تمارين مقاومه متنتظرش جسم مشدود وشكله متناسق .
23 - اي اكل مسموح بيه وينفع يتاكل بس المهم طريقه الطبخ تكون صحيه .
24 - زيت الزيتون ينفع عادي يتسخن
25- المكسرات كلها مسموح بيها بس شويه صغيرين ويفضل مش محمص .
26 - مفيش اكل بيخسس اي اكل هاكله لكميات كبيره هيتخني حتي لو اكل صحي
27- مش معني اني غلطت يوم وكلت شئ ممكن يتخن ان رجيمي باظ بس لو بعمل كده كتير منتظرش اني اخس اكيد
28- كل ما يكون في التزام بالرجيم والرياضه كل ما هشوف نتيجه افضل .
29- ارجوكم بلاش بفتي كتير والتصميم علي الرائ بدون دراسه او التاكد من معلومه وبلاش ننصح الناس وانا مش عارفين ننصح نفسنا
30 -ثبات الوزن واسبابه
اهم اسباب ثبات الوزن :
1- وزن الجسم عباره عن عضلات - عظام - سوائل وليس مجرد دهون _ البعض يخسر في البدايه وزن عالي . اغلبها سوائل ويظن انها دهون _ وبعد ذلك الوزن لا يتغير بسرعه كما كان في البدايه لان فقد الدهون ليس سهل كفقد السوائل .
2- مع تمارين المقاومه (الحديد) تزيد نسبه العضلات وبالتالي يزيد وزن الجسم نسبيا . ويعتقد الشخص انه لا يخسر دهون .
3-قد يععتقد الشخص ان غذائه صحي وقليل السعرات ونشاطه كافي ولكن الحقيقه ليست كذلك . لذا يحتاج الي اعاده النظر في وجباته وتمارينه .
4- بعض اصحاب االحميه يتبعوا حميه قاااسيه جداااا تؤدي الي نتيجه عكسيه وانخفاض مستوي حرق الدهون في الجسم . حيث يشعر الجسم انه في حاله مجاعه ويحتاج الي تقليل الطاقه المستهلكه لعدم وجود الغذاء الكافي لفتره طويله وبالتالي لا يحرق دهون بسرعه .
31- أشهر ١٠ خرافات في التغذية والدايت
١- التفاح الاخضر سعراته سالبه يعني وانت بتاكله بتحرق اكتر من عدد سعراته
كلام فاضي مفيش اي اكل سعراته سالبه
٢- الفواكه لازم تتاكل قبل الاكل ومينفعش ناكلها وسط الاكل
كلام فاضي وينفع ناكل الفاكهه اي وقت
٣- لازم نمنع النشويات علشان نخس ومينفعش ننشف واحنا بناكل نشويات
كلام فاضي ولازم ناكل 3 عناصر غذائيه كاربوهديات وبروتين ودهون
٤- رجيم فصائل الدم مهم ولازم تاكل حسب فصيله دمك
كلام فاضي ورجيم مفيش اي دليل علمي عليه اصلا
٥ سكر الدايت الاسبترام بيجيب امراض وسرطانات وضار
كلام فاضي وكل مصادر علميه موثقه بتقول انه امن
٦ - المكسرات لازم ناكليها نيه مش محمصه
كلام فاضي مفيش فرق كبير بين مكسرات محمصه او نيه المهم بدون ملح
٧- علشان تخس لازم تاكل قليل قوي وتمنع دهون خالص ونشويات وتاكل بكتير1000سعر
كلام فاضي مينفعش نقل عن 1200 سعر للسيدات و1800 للرجال ودايت لازم يكون
متوازن فيه كل عناصر غذائيه
٨- شرب الميه وسط الاكل بيعمل كرش
كلام فاضي وشرب الميه وسط الاكل ملوش علاقه بالكرش ومش بيقلل حتي العصاره
الهضميه بالعكس مفيد جدا للهضم
٩ - استخدام الحلل والاواني الالمونيوم في الطبخ غلط
كلام فاضي
استخدام الالمنيوم في الطبخ :
سواء الاواني او ورق الفويل او اطباق الفويل غير ضار وامن تماما في الاستخدام 
١٠- استخدام الميكرويف في تسخين ضار
كلام فاضي المهم يكون نوع نظيف ميكونش جوده اي كلام