اسرار التخسيس وشد الجسم

!مش فاهمة حاجه يعني ايه

يعني حضراتكم تكونوا جعانين اوووي فابتاكلوا بسرعة اووي فا ده بيسبب كرش اوي وزيادة في الوزن ومشاكل الهضم

بتفطري الساعة ٥ عقبال ماتصحي من النوم وتتغدي ١٢ باليل وتتعشي ٥ الصبح وتنامي وانتي سعيدة اوي بكرشك

☀️

بتشربي برميل مياه علي الاكل كدة وتلاقي كرش جميل طلع

بتنامي نوم العفاريت ١٤ ساعة ازاي ده انا مش عارف ده مفروض يعملولك تمثال في البيت جنب السرير

بتاكلي وانتي بتتكلمي في الموبايل او بتتفرجي علي التلفزيون ازاي ده برضو مش عارف

بتعملي دايت ال٥٠ كيلو في يوم الي هو بيساعد علي الوفاة

ومش هتخسي والله قلة الاكل مبتخسسي

دايت صحبتك الي خست ١٠ كيلو في اسبوع مش هيخسسك ٢ كيلو في سنتين لانها بتكدب

طول النهار فاتحة مندبة في الاوضة وتعيطي لما خلاص عينك اتنفخت وهتفرقع حالتك النفسية زي الزفت ومرار طافح والله ملوش لزمة وهم وهتعجزي وانتي لسه ٢٠ سنة وشعرك ابيض ووشك كرمش

بتحبي دايما تحطمي الارقام القياسية في الاكل ودايما بتكسبي برافو عليكي احييكي

بلاش طرق التخسيس الغير شرعية والادوية الي ملهاش اي ٦٠ لزمة بتاعت سد الشهية برضو هتاكلي كتير بعد ما مفعولها يروح

بلاش وصفات العفريت ووصفة ست الحسن وجو التعويذات الي بيضحكوا بيه عليكم حوارق الدهون كمون وقرفة وشاي اخضر وجنزبيل ..الخ

بتخافي تنزلي الجيم وبتتكسفي والله الي في الجيم ناس طبيعية مش مصاصي دماء وناس رياضية ولو مش عاجبك الجيم روحي جيم لاديس اونلي ماهو هتتمرني مش عيب ولاحرام وصحتك اهم

مبتحبيش الجيم اتمرني في البيت واتمشي في البيت

طب أزاي تخسي في 4 خطوات

١-حالة نفسية كويسة

٢-نوم بدري وصحيان بدري

٣-اكل قليل السعرات الحرارية

٤-ساعة تمرين كل يوم ٤ ايام فى الاسبوع ع الأقل

و دي التمارين تمارين لشد الجسم كاملا في البيت والجيم

خلي عندك اراده كده و تخيلو شكلكو وانتو جسمكو حلو و بتلبسو الي نفسكو فيه خليكيو اقوي من شويه اكل اصل مجرد ما الاكل دخل بوقك طعمه بيروح فا اعقلي وخليكي ذكية

#اجمدي_يابطلة

الدايت مش مسلوق وًحرمان ... خليه اسلوب حياه واخترعات وافضلو كده طول حياتكو اصل دي الحياة الي انتوا مفروض تعيشوها