حل مشكلة البنات سواء الكرش او الرجل او الفخد او الوراك
البنات الجديدة ، والبنات الي تايهه هتلاقي كل حاجه فى البوست ده
مشكلة البنات حاجتين 
يا في الكرش
يا في الكرش يا ف الرجل او الفخد او الوراك 
نركز كده مع بعض ونقرا الكلام لاخره الله يرضي عليكوا وبلاش متابعه الصمت ديه مش هاتفدكم لايك وشير وكومنت بتم علي صفحتنا اتحاد جيمات العرب
، وبلاش تسألي سؤال انا مجاوبه عليه في البوست
الفخاد بتحصل من كذا سبب ؟
1- عامل وراثي (بس مش اوي يعني ).
).
2- دهون زيادة في منطقه الرجل .
3- قله الحركه والمشي .
4- اكل نشويات كتير .
طب ننزل الرجل ازاي او نخلي شكلها حلو و sexy ؟
1- هنظبط اكلنا
2- المشي الكتير والجري
3- نقلل من الدهون
4- نعمل تمارين 3 مرات ف الاسبوع
هحس بفرق امتا ؟ قبل ما تبتدي صوري رجلك من كل الزوايا .او قيسيها بمزاوره واعرفي مقاسات رجلك .كل اسبوع اتصوري نفس الصور ونفس اللبس وهتلاقي فرق .ف خلال شهر او 2 التزام هتحسي بفرق رهيب 
طب ايه التمارين الي العبها ؟ 
(الرجل من قدام ومن ورا) ممكن تعمليها في البيت او في الجيم .هتعملي 4او 5 تمرينات منهم هتلعبي كل تمرينة 3 مجموعات 15 عدة (يعني كل تمرينه هتلعبيها 15 مره ورا بعض كده يبقي خلصتي مجموعه وترتاحي دقيقه وتعملي 15 مره تاني كده يبقي مجموعتين وهكذا) العب باوزان ولا من غير واشيل اد ايه حديد ؟ الحديد افضل طبعا لانه بيشد الجسم وبيخسس اسرع ولما تخسي مافيش ترهلات خالص . الوزن الي تقدري تشيليه وتلعبي بيه ومتتعبيش منه ، ومع الوقت زودي الاوزان .العب امتا بقي وازاي؟ في بدايه التمرين بتلعبي 10 دقايق تسخين (كارديو او زومبا او تمرين احماءات ) بعدين تبدء تمرينتك الي هي الرجل ، هتختاري 4او 5 تمرينات اخر حاجه خالص هتلعبي تلت او ربع ساعة كارديو عشان تحرقي الدهون وتقللي نسبتها في الرجل وفي جسمك كله . لو هتلعبي بحديد يبقي خليكي بعد الفطار بساعتين افضل . هتلعبي الصبح علي معده فاضيه يبقي بلاش حديد عشان غلط عليكي . تمرينتك لو علي معده فاضيه هتكون من نص ساعه لساعه الا ربع ولا اكتر ولا اقل . لو ف وسط اليوم عادي هتكون من ساعه لساعه ونص لا اكتر ولا اقل .اكل ايه بعد التمرين ؟ بعده بساعه . لو بتخسي تاكلي بروتين ومعادن وخضروات . لو بتزودي عضل تاكلي نشويات مع البروتين والخضار . قبل التمرين ؟
كوب قهوه تعلي الحرق معاكي .